Sam vichea. Powered by Blogger.

Recent

Create Application Android Via Phone

AIDE-Android Java IDE ជាកម្មវីធី​ដែល​អាច​សរសេរ​កូដ Android លើ​ទូរសព្ទ និងអាច Compile កូដនោះលើម៉ាស៊ីន​ទូរសព្ទ​ផ្ទាល់​តែម្តង ដោយមិនចំាបាច់ពឹងផ្អែកលើ​កុំព្យូទ័រ​ឡើយ ហើយ​លោកអ្នក​ក៏​អាចបើក Project ដែល​មានស្រាប់​ជាមួយនឹង AIDE ផងដែរ ។
​សមត្ថភាព​ពិសេស​ៗ​របស់ AIDE-Android
- អាច​ឲ្យ​យើង​សរសេរ​កម្មវីធី Android លើ​ទូរសព្ទ​ផ្ទាល់​តែម្តង
- បើក និង​សរសេរ​កម្មវិធី​ដោយមិនចំាបាច់​ប្រើ​ប្រាស់​កុំព្យូទ័រ​
- អាចបើក និងកែប្រែ Project ដែល​មានស្រាប់​នៅលើ​ទូរសព្ទ​បាន
- ការ Compile កូដបាន​លឿន​
- អាច​បង្ហាញ Error កូដ​នៅពេល Compile ។ ល ។







សម្គាល់៖ កម្មវិធី​នេះអាច​ដំណើរ​ការ​បាន​នៅលើ​ទូរសព្ទ ដែល​ប្រើ​ប្រាស់​ប្រព័ន្ធ Android គ្រប់ Version ទំាងអស់​ដូចជា Samsung, LG, Sony ។ ល ។
របៀប​ដំឡើង​
​លោកអ្នក​អាច​ដំឡើង​កម្មវីធីនេះបានពីររបៀប​ខាងក្រោម ៖
 របៀបទី១
យើងអាចយក File Setup របស់វា ដែល​មាន​ឈ្មោះ AIDE-Android Java IDE.apk នៅ​ក្នុង CD របស់​ទស្សនាវដ្ដី​អាន ទៅដាក់​ក្នុង Memory Card របស់​ទូរសព្ទ​យើង រូចចុចលើវា ដើម្បី​ដំឡើង​ដូចរបៀបមុនៗ​ដែល​យើង​ធ្លាប់​ចុះកន្លងមក ។
 របៀបទី២
យើងអាច Download AIDE-Android Java IDE.apk នៅ​ក្នុង Google Play តាមរបៀបដូចតទៅ ៖
បើក Google Play រួចវាយ AIDE វានឹង​បង្ហាញ​ដូចរូប​ខាងក្រោម ៖

រួចហើយយើងចុចលើពាក្យថា AIDE-Android Java IDE ដែល​នៅ​ខាងលើ​គេ ដើម្បី​ដំឡើង​វាដូចរបៀបមុនៗ​ដែល​យើង​ធ្លាប់​ចុះកន្លងមក ។
របៀប​ប្រើ​ប្រាស់​កម្មវីធី
​ នៅពេល​ដែល​ដំឡើង​ចប់សព្វគ្រប់អស់ហើយ លោកអ្នក​ចុចបើក​កម្មវិធី​នេះ​វានឹង​លោត​នូវ​ផ្ទំាង ដើម្បី​ឲ្យ​យើងដាក់​ឈ្មោះ Project និង​ឈ្មោះ Package រូបដូច​ខាងក្រោម ៖

​នៅពេល​ដែល​យើងចុចលើពាក្យ Create ហើយ​វានឹង​បង្ហាញ​នូវ​ផ្ទំាង​សម្រាប់​សរសេរ​កូដមួយដូច​ខាងក្រោម ៖

​ចំណុច​សំខាន់​ៗ​ដែល​គួរស្វែងយល់គឺកន្លែង​បង្កើត Layout, កន្លែង​សរសេរ​កូដ, ការ​រក្សាទុក និង ការ​ដំណើរ​ការ ។
របៀប​បង្កើត Layout
បើក Project រួចចុចលើ Menu Button របស់​ទូរសព្ទ​វានឹង​បង្ហាញ​ដូចរូប​ខាងក្រោម ៖

ចុចលើពាក្យ Files បន្ទាប់មក​ចុចពាក្យ res->layout-> main.xml

​ បន្ទាប់ពី​លោកអ្នក​ចុចហើយ​វានឹង​បង្ហាញ​ផ្ទំាង Layout ដើម្បី Design Interface Project យើង ហើយ​លោកអ្នក​ក៏​អាច​សរសេរ Code បន្ថែម​ទៅលើ layout នេះ​ផងដែរ ។

របៀបចូល​ទៅកាន់​កន្លែង​សរសេរ​កូដ
ចុចលើពាក្យ src-> com ->android ->myandroidtest ->MainActivity.java

​បន្ទាប់ពី​លោកអ្នក​ចុច​វានឹង​​បង្ហាញ​ផ្ទំាង Code ដូច​ខាងក្រោម ៖

របៀប Save និង Run
​លោកអ្នក​ត្រូវចុច Menu Button លើ​ទូរសព្ទ​របស់អ្នក នោះ​វានឹង​បង្ហាញ​ផ្ទំាងដូច​ខាងក្រោម ៖

នោះ​លោកអ្នក​អាចចុចលើពាក្យ Save ឬ​ចុចលើពាក្យ Run
​បន្ទាប់មក​វានឹង Compile ដោយស្វ័យ​ប្រវត្តិ​ដែល​មានដូចរូប​ខាងក្រោម ៖

​បន្ទាប់មក​សូមចុច install

ចុច Open ដើម្បី​មើលលើ​លទ្ធផល​នៃការ

នេះជា​លទ្ធផល​ក្រោយពេលចុច Open

​បញ្ជាក់​៖ នៅពេល​ចុច Save នោះ Project របស់​លោកអ្នក​នឹងបាន​រក្សាទុក​នៅ​ក្នុង folder AppProject នៅ​ក្នុង​ទូរសព្ទ ហើយយើងអាចចុច Run បាន​លុះត្រាតែ Project នោះ​ត្រូវបាន Save រួចរាល់ ។
របៀបបើក Project ចាស់​ដែល​មានស្រាប់
យើងត្រូវ Copy project code របស់យើងទៅដាក់​ក្នុង Folder ឈ្មោះ​ថា AppProjects នៅ​ក្នុង​ទូរសព្ទ​របស់អ្នក ។
​បន្ទាប់មក​បើកកម្មវីធី AIDE ហើយចុចលើ Menu Button ទូរសព្ទ រួចចុចលើពាក្យ More Show File Location


ក្រោយពេលចុចលើពាក្យ Show File Location នោះ​វានឹង​បង្ហាញ File Project ​ទាំងអស់​ដែល​ស្ថិតនៅ​ក្នុង AppProject



ពេលនេះ​លោកអ្នក​អាច​ជ្រើសរើស​ Project ​ណាមួយ​ដែល​អ្នកចង់បើកដោយ​គ្រាន់តែ​ចុច​ទៅលើ​ឈ្មោះ​ Folder របស់Project នោះតែប៉ុណ្នោះជាការស្រេច
*** ដកស្រង់ចេញពី​ទស្សនាវដ្ដី​អាន-ANT ​ច្បាប់​ទី៤២ សម្រាប់​ខែសីហា ឆ្នាំ​២០១២
! Article Title "Create Application Android Via Phone"

Back To Top