Create Wordpress Easy Way

• ទាញយក 127ដង | ទំហំ 4.69 MB

WordPress គឺជា​ប្រភេទ open source Content Management System (CMS) ដែល​យើងអាច​ប្រើ​សម្រាប់​បង្កើត​នូវ website ឬ​ក៏ blog ដែល​មានសោភ័ណភាពស្រស់​ស្អាត​គួរ​ឲ្យ​ទាក់ទាញ ។ វា​ត្រូវបាន​ដាក់​ឲ្យ​ប្រើ​ប្រាស់​ដោយមិនគិតថ្លៃនា​ថ្ងៃ​ទី ២៧មិថុនា ២០១២ ថ្មីៗ​នេះ ហើយមានមនុស្ស​ច្រើន​ជាង៦០ លាននាក់​កំពុង​តែ​ប្រើ​ប្រាស់​ទៅលើ WordPress  នេះ ។

ដោយមើលឃើញពីអត្ថប្រយោជន៍ និងចំនួននៃការ​ប្រើ​ប្រាស់​ទៅលើ WordPress មានការកើនឡើងយើង​ក៏​បានលើកយក​នូវ​ការ​បង្កើត website ដោយ​ប្រើ​ប្រាស់ WordPress 3.4.1 ដែល​ជា​ជំនាន់​ចុងក្រោយ​របស់ WordPress មក​ធ្វើការ​បង្ហាញ ។  

ការ​ដំឡើង WordPress

ដើម្បី​ធ្វើការ​ដំឡើង WordPress ទាមទារ​ឲ្យ​លោកអ្នក​មាន package វាជាមុនសិន​ដែល package WordPress 3.4.1 នេះ​លោកអ្នក​អាច​ធ្វើការ copy ចេញពីស៊ីឌីលេខ៤២ របស់​ទស្សនាវដ្ដី​អាន ឬ​ក៏​អាច​ធ្វើការ download ដោយ​ផ្ទាល់​ពីវេបសាយ www.wordpress.org/download/ ទៅដាក់នៅ​ក្នុង folder root នៃ webserver របស់យើង​ដែល​នៅ​ក្នុង​នេះ យើងលើកយក WampServer 2.2 មកអនុវត្តន៍ការ​ដំឡើង ។

​ប្រសិនបើ​ម៉ាស៊ីនរបស់យើង​មិនទាន់​មាន WampServer យើងអាច​ធ្វើការ download ពីវេបសាយ www.wampserver.com/en/ ដើម្បី​ដំឡើង ។

​ បញ្ជាក់​៖ សម្រាប់​របៀប​ដំឡើង និងការ configure លោកអ្នក​អាចមើលនៅ​ក្នុង​ទស្សនាវដ្ដី​អាន លេខ៣៦ ឬ​នៅ​ក្នុង​គេហទំព័ររបស់​ទស្សនាវដ្ដី​អាន (http://www.antkh.com/tech/1505) ។

ចូល​ទៅកាន់ Folder root (C:\wamp\www) ហើយ​ធ្វើការ extract 

 

​បន្ទាប់ពី extract ចប់ហើយ​លោកអ្នក​ចូល​ទៅកាន់ Homepage របស់ WampServer ដោយវាយ http://localhost:8182 នៅ ​ក្នុង address bar របស់ browser បន្ទាប់មក​ចុចលើ phpmyadmin (ដែល 8182 គឺជាលេខ port របស់ WampServer ដែល​យើងបាន configure ក្រោយការ​ដំឡើង​)

​បង្កើត​នូវ Database ដោយចុច​ទៅលើ​ពាក្យ database រួចបំពេញ​ឈ្មោះ database ហើយចុចលើពាក្យ Create

ចូល​ទៅកាន់ C:\wamp\www\wordpress ហើយ ប្ដូរ​ឈ្មោះ file “wp-config-sample.php” ទៅជា “wp-config.php”

​បន្ទាប់មក​បើក File “wp-config.php” ដែល​យើងបាន rename រួចហើយ​ធ្វើការ​កែ​ទៅលើ​ចំណុច​មួយចំនួន

- Database_name_here ជំនួសដោយ wordpress (ជា​ឈ្មោះ database របស់យើង)
- Username_here ជំនួសដោយ root (ជា​ឈ្មោះ user របស់ database
- Password_here លុបចោល​ព្រោះ default password របស់ root គឺទទេ (ជា password របស់ user)
​បន្ទាប់មក Save ហើយចាកចេញ
ចូល​ទៅកាន់ Homepage របស់ WampServer ម្ដងទៀតហើយចុច​ទៅលើ folder WordPress

បំពេញ​ព័ត៌មាន​ទៅ​ក្នុង​ប្រអប់ដូច​ខាងក្រោម​ហើយចុច Install WordPress

រង់ចាំមួយភ្លែត​វានឹង​បង្ហាញ​ផ្ទាំង​ដូចរួច​ខាងក្រោម​ដែល​បញ្ជាក់​ថាការ​ដំឡើង​ទទួល​បានជោគជ័យ

​នៅពេល​ចុចលើពាក្យ Log in ​វានឹង​បង្ហាញ​ផ្ទាំង login ដើម្បី​ចូល​ទៅកាន់​ admin page


- Username ជា​ឈ្មោះ username ដែល​យើងបាន​បង្កើត​
- Password ជា password របស់ username ដែល​យើងបាន​បង្កើត​
- ចុច​ទៅលើ​ពាក្យ Back to ANT ដើម្បី​បង្ហាញ interface នៃ website ដែល​យើងបាន​បង្កើត​ក្រោយការ​ដំឡើង​ដូចរូប​ខាងក្រោម​


*** ដកស្រង់ចេញពី​ទស្សនាវដ្ដី​អាន-ANT ​ច្បាប់​ទី៤២ សម្រាប់​ខែសីហា ឆ្នាំ​២០១២